Blomen un Planten, fien aflicht op hooch un platt

Letztes

Fast ni sehn

Crepis rubra

Crepis rubra

An’n Wuchenenn heff ik mol wedder in’ Botaanschen Goorn vörbikeeken un heff ok wedder ‘n Schuuvkoor vull Billers mitbröcht. Wat dat dor ni allns gifft! Düsse rosa Bloom to’n Bispill, Roter Pippau. De heff ik bloots ut Tofall funnen.

Hollerbusch

Sambucus nigra

Sambucus nigra

Hollerbusch (Holunder/Fliederbeere), den ik in den Weg funnen heff, dörch den ik jümmers na Hus gah vun’t Inköpen. Wiel de to’n Freedhoff hen löppt, wo de Lüüd ehr Doden begeeten deiht, heet de nu “Gießkannenweg”.

Aloe – 2

aloe_peglerae

Aloe peglerae

Noch een Bild ut’n Botaanschen Goorn vun de blöhende Aloen. Düsse harr keen düütschen Namen, man op Ingelsch heet de Mountain Aloe, Barg-Aloe, un komt ut Südafrika.

Afhörstatschoon

Goethea strictiflora

Goethea strictiflora

För düsse Plant ut de Familie vun de Malvengewächse heff ik keen dütschen Naamen funnen.

Süht de ni ut, as wenn de in alle Richten luustert? Viellicht hett de Narichtendeenst sik dor in Botaanschen Goorn ‘n lütt Afhörstatschoon inricht. Dor mutt ‘n hüütodaags jo jümmers mit reken.

Christroosen

Helleborus x sp.

Helleborus x sp.

So, as ik ju dat toseggt heff, gifft dat ‘n Bild vun de Lenzrosen-Aktschoon in’n Botaanschen Goorn. De harrn de verscheeden Blööden in ne groote Wann mit Water sett – fiene Dekoratschoon. As ik na den plattdütschen Namen keeken dä, heff ik ok den Utdruck “Swienwörtel” (Schweinswurzel) funnen. Och nö, dat hett düsse Plant avers ni verdeent.

Aloe – 1

Aloe petricola

Aloe petricola

As ik nülich in de Drievhüser in’n Botaanschen Goon weer, weern dor verscheeden Oorten vun Aloe graad an’t Blöhen.

De Kaktus-Eck – 2

Mammilaria mystax

Mammilaria mystax

Güstern weer ik mol wedder in unsen Botaanschen Goorn. Se harrn so’ lütt Aktschoon mit Lenzrosen (Christrosen), dor gifft dat later ok noch Billers vun. Buten sehg dat noch na nix ut, man in de Drievhüser geev dat wat to kieken. Ik heff de Mööglichkeit nutzt un glieks ‘n poor niege Billers för mien Kaktus-Eck mokt.

Folgen

Erhalte jeden neuen Beitrag in deinen Posteingang.

Schließe dich 37 Followern an