Blomen un Planten, fien aflicht op hooch un platt

Latest

Vigelette Maahnbloom

mohn02Nülich weer ik bi mien Broder in’n Goorn an’t Knipsen. He hett dor verscheden Oorten vun Maahnbloomen – ok düsse vigelette. Kiek, de hett sogor Besöök vun een lüttjen Käver. Dat heff ik jüst markt, as ik dat Bild an’t Utsöken weer. De hett sik dor eenfach mit ropsmuggelt, ohn mi to fraagen.

Papeerplant

Cyperus papyrus

Cyperus papyrus

Nülich weer ik wedder in’n Botaanschen Goorn und heff ‘n grooten Büdel vull Billers mitbröcht. Dor gifft dat jo to jedeen Tiet wat Nieget to finnen. Düt is ut dat  Tropenhuus, wo se de Waterplanten utstellen doon. Ik heff keen plattdüütsch Woort för “Papyrus” funnen un heff mi furts een utdacht. Ik finn, Papeerplant höört sik doch ni slecht an. Hier is de graad an’t Blöhen.

Aalkruut

Borago officinalis

Borago officinalis

Ok Gurkenkruut or Burretsch nöömt, de Hoochdütschen kennt dat as Borretsch. Ik heff de blauen Blöten so geern, de sünd meerst as dörchsichtig. Anfoten mag ik de avers ni so geern, vun wegen de veelen Hoor.

Mahnbloom

Eschscholzia californica

Eschscholzia californica

Nülich weer ik bi mien Broder in’n Goorn to Knipsen. Dor gifft dat verscheeden Mahnbloomen in alle Klöören, hier heff ik een in geel. Düt is de Kalifornsche Mohn, ok Slaapmütz nöömt.

Stockrose

Alcea/Althea rosea

Alcea/Althea rosea

Heute mal wieder auf Hochdeutsch, konnte partout den plattdeutschen Namen auf meinen üblichen Seiten nicht finden. Sachdienliche Hinweise werden gern entgegengenommen. :) Ich mag Stockrosen gern und bewundere immer wieder aufs Neue die tollen Farben.

Titanenwurz

Amorphophallus titanum

Amorphophallus titanum

Düt Johr hett de Titanenwurz in uns Botaanschen Goorn blöht. De harrn se woll so fien pleegt, dat se al na  bloots twee Johrn wedder losleggt hett. An’n Oostersünndag weer dat sowiet; dor harrn se extra dat Drievhuus ok in de Nacht för Besökers opmokt. Schall jo ok böös stinken, man dor heff ik nix vun mitkregen. Ik weer al ‘n Wuch vörher dor un heff düt Bild schoten.

Hunnbloom

Taraxacum officinale

Taraxacum officinale

Is dat ni ‘n fienet Bild? Dor heff ik dat heel good mit dat “bokeh” henkregen, meen ik. “Bokeh” seggt se in Japan, wenn se meent, dat allns achter dat Motiv ni so recht scharp is.

Follow

Get every new post delivered to your Inbox.

Join 32 other followers